Qeveria e nxënësve dhe shërbimi psiko-social i shkollës, organizoi sot aktivitetin e përvitshëm ndërgjegjësues, me rastin e 1 Dhjetorit, ditës Botërore të HIV/ AIDS .
Në aktivitet morën pjesë nxënës të klasave të ndryshme.
Çdo 1 Dhjetor duke filluar që nga viti 1988 njerëzit nga e gjithë bota bashkojnë forcat e tyre në luftën kundër HIV, tregojnë mbështetjen ndaj personave të prekur dhe kujtojnë ata që s’jetojnë më. Ky aktivitet ndërgjësues u drejtohet kryesisht të rinjve, si grupmosha më e rrezikuar nga infeksioni i HIV .
Ky aktivitet u organizua në bashkëpunim me NJVKSH Durrës.
Në aktivitet specialistet Jonida Kostandini dhe Elena Konakçiu u shpjeguan nxënësve rreziqet, si dhe mënyrat e mbrojtjes prej tyre. Gjithashtu u theksua rëndësia e ndarjes së informacionit me familjarët, partnerin apo miqtë, si dhe drejtimi për ndihmë në Qëndrën për Këshillimin dhe Testim vullnetar.
